మన టాలీవుడ్ లో ఉన్నటువంటి టాప్ మోస్ట్ దర్శకుల్లో తన కెరీర్ లో టాలీవుడ్ కి సాలిడ్ హిట్స్ ని ఇచ్చిన ప్రముఖ దర్శకుడు శ్రీను వైట్ల కూడా ఒకరు. తన నుంచి తెలుగు సినిమాకి ఎన్నో సాలిడ్ ఎంటర్టైనర్స్ ఢీ, వెంకీ, దుబాయ్ శీను ఇంకా ఎన్నో వచ్చాయి. అయితే ఈ అన్ని చిత్రాల్లో ఏదొక ఐకానిక్ సీన్ ట్రెండ్ సెట్టింగ్ కామెడీ సీన్ గా నిలిచిపోయింది.
అలా మాస్ మహారాజ రవితేజతో చేసిన చిత్రం “వెంకీ” లో ట్రైన్ కామెడీ సీన్ ఎంత పెద్ద హిట్ అనేది అందరికీ తెలుసు. మరి మళ్ళీ ఇన్నాళ్ల తర్వాత తన రాబోయే సినిమాలో మరోసారి ట్రైన్ కామెడీ సీన్ ని పెడుతున్నట్టుగా ఎపుడో కన్ఫర్మ్ చేశారు. మ్యాచో స్టార్ గోపీచంద్ హీరోగా చేస్తున్న లేటెస్ట్ చిత్రం “విశ్వం” లో ఈ వింటేజ్ ట్రాక్ ని మళ్ళీ సెట్ చేస్తుండగా నేడు వచ్చిన మేకింగ్ వీడియోలో అయితే కొన్ని విజువల్స్ ని చూపించారు.
దీనితో ఈసారి కూడా ఈ కామెడీ ట్రాక్ గట్టిగానే వర్కౌట్ అయ్యేలా కనిపిస్తుంది. మరి శ్రీను వైట్ల అయితే ఆ వింటేజ్ మ్యాజిక్ ని రిపీట్ చేస్తారో లేదో డెఫినెట్ గా చూడాల్సిందే. ఇక ఈ చిత్రంలో గోపీచంద్ సరసన కావ్య థాపర్ హీరోయిన్ గా నటించగా పీపుల్ మీడియా ఫ్యాక్టరీ వారు నిర్మాణం వహిస్తున్నారు. ప్రస్తుతం ఈ చిత్రం షూటింగ్ ఫుల్ స్వింగ్ లో నడుస్తుంది.
