పాన్ ఇండియా స్టార్ ప్ర‌భాస్ న‌టిస్తున్న తాజా చిత్రం ‘ది రాజా సాబ్’ ప్ర‌స్తుతం టాలీవుడ్ లో హాట్ టాపిక్ గా మారింది. ఈ సినిమా నుంచి ఓ గ్లింప్స్ రిలీజ్ చేస్తున్న‌ట్లు మేక‌ర్స్ అనౌన్స్ చేయ‌డంతో అభిమానుల‌తో పాటు యావ‌త్ సినీ ల‌వ‌ర్స్ ఈ గ్లింప్స్ కోసం ఆస‌క్తిగా ఎదురుచూస్తున్నారు.

ఇక ఈ సినిమాలో ప్ర‌భాస్ స‌రికొత్త లుక్ లో క‌నిపిస్తాడ‌ని చిత్ర యూనిట్ నుంచి స‌మాచారం అందుతోంది. కాగా, ఈ సినిమా గ్లింప్స్ కి సంబంధించి నెట్టింట ఓ వార్త చ‌క్క‌ర్లు కొడుతోంది. ‘ది రాజా సాబ్’ గ్లింప్స్ లో ప్ర‌భాస్ ‘డార్లింగ్’ త‌ర‌హా లుక్స్ లో క‌నిపిస్తాడ‌ని, అభిమానుల‌కు ఇది ఫుల్ మీల్స్ లా ఉంటుంద‌నే టాక్ వినిపిస్తోంది. అంతేగాక‌, ఈ గ్లింప్స్ లో ‘ది రాజా సాబ్’ రిలీజ్ పై కూడా సాలిడ్ క‌న్ఫ‌ర్మేష‌న్ రానుందట‌. ఈ సినిమాను స‌మ్మ‌ర్ 2025లో రిలీజ్ చేయ‌బోతున్న‌ట్లు మేక‌ర్స్ ప్ర‌క‌టించ‌నున్న‌ట్లుగా తెలుస్తోంది.

దీంతో అభిమానుల్లో ‘ది రాజా సాబ్’ గ్లింప్స్ పై మ‌రింత ఆస‌క్తి పెరిగింది. ద‌ర్శ‌కుడు మారుతి ఈ సినిమాను పూర్తి ఎంట‌ర్టైనింగ్ క‌థ‌గా రూపొందించాడ‌ని చిత్ర యూనిట్ చెబుతోంది. ఈ సినిమాలో మాళ‌విక మోహ‌న‌న్, నిధి అగ‌ర్వాల్, రిద్ధి కుమార్ త‌దిత‌రులు ఇత‌ర ముఖ్య పాత్ర‌ల్లో న‌టిస్తున్నారు. పీపుల్ మీడియా ఫ్యాక్ట‌రీపై టిజి.విశ్వ‌ప్ర‌సాద్ ఈ చిత్రాన్ని ప్రొడ్యూస్ చేస్తున్నారు.