టాలీవుడ్‌లో పండుగ సీజన్‌లో సినిమాను చేసి సక్సెస్ కొట్టాలని స్టార్ హీరోలు పోటీ పడుతుంటారు. అయితే, కొన్నిసార్లు తీవ్ర పోటీ ఉన్నా సినిమాలో కంటెంట్ బాగున్న సినిమాకే ప్రేక్షకులు ఓటు వేస్తారు. మరికొన్ని సార్లు బడా చిత్రాలకు దారిచ్చేందుకు కొందరు మీడియం, చిన్న హీరోల సినిమాల రిలీజ్‌లను వాయిదా వేస్తుంటారు. అయితే, ఇప్పుడు టాలీవుడ్‌లో వచ్చే నెల నుండి పండుగ సీజన్ స్టార్ట్ కానుంది. సంక్రాంతి, మహాశివరాత్రి, ఉగాది వరకు సాగే ఈ సీజన్‌లో పలు ఇంట్రెస్టింగ్ చిత్రాలు తమ అదృష్టాన్ని పరీక్షించుకునేందుకు సిద్ధమవుతున్నాయి.
కాగా, ఇప్పటికే సంక్రాంతి, మహాశివరాత్రికి రిలీజ్ డేట్స్‌ను ఫిక్స్ చేసుకున్నాయి కొన్ని సినిమాలు. అయితే, ఈసారి ఉగాది పండుగ మరింత ఆసక్తికరంగా మారనుంది. ఇప్పటికే ఉగాది సీజన్‌లో మార్చి 28 డేట్‌కు రెండు ఇంట్రెస్టింగ్ ప్రాజెక్టులు రిలీజ్‌కు రెడీ అయ్యాయి. ఇందులో పవర్ స్టార్ పవన్ కళ్యాణ్ నటిస్తున్న ప్రెస్టీజియస్ మూవీ ‘హరిహర వీరమల్లు’.. రౌడీ స్టార్ విజయ్ దేవరకొండ నటిస్తున్న VD12 చిత్రాలు ఉన్నాయి. అయితే, ఈ రెండు చిత్రాల్లో ఉగాది రేస్‌లో ఏ సినిమా రిలీజ్ అవుతుందనే ఆసక్తి అందరిలో నెలకొంది.
ఉగాది సీజన్‌ను క్యాష్ చేసుకోవడం ఒక్క సినిమాకు మాత్రమే సాధ్యం కానుండటంతో పవన్ కళ్యాణ్ ‘హరిహర వీరమల్లు’ అదే తేదీన వచ్చినట్లు అయితే.. విజయ్ దేవరకొండ మూవీ నిర్మాత నాగవంశీ తమ VD12 చిత్రాన్ని వాయిదా వేసుకోవడానికి సిద్ధంగా ఉన్నారని టాక్ వినిపిస్తుంది. పవన్‌తో ఆయనకు ఉన్న మంచి బాండ్ కారణంగా తన సినిమా రిలీజ్ డేట్‌ను వాయిదా వేసుకోవడానికి ఆయన రెడీ అవుతారని వార్తలు వస్తున్నాయి. మరి నిజంగానే పవన్ కోసం విజయ్ దేవరకొండ తప్పుకుంటాడా లేడా.. అనేది వేచి చూడాలి.
