మన టాలీవుడ్ సూపర్ స్టార్ మహేష్ బాబు హీరోగా ఇప్పుడు ఇండియా లోనే బిగ్గెస్ట్ ప్రాజెక్ట్ ని దర్శకుడు ఎస్ ఎస్ రాజమౌళి కాంబినేషన్లో చేయనున్న సంగతి అందరికీ తెలిసిందే. ఇది మహేష్ కెరీర్ లో 29వ సినిమాగా తెరకెక్కనుంది. అయితే ఈ భారీ సినిమా గ్యాప్ లో మహేష్ బాబు తన సమయాన్ని ఫ్యామిలీ తోను తన సినిమా కోసం పలు సినిమాలు కూడా చూసేందుకు వెచ్చచిస్తున్నారు.
అలా కోలీవుడ్ రీసెంట్ హిట్ సినిమా “రాయన్” పై మహేష్ ప్రశంసల జల్లు కురిపించారు. ధనుష్ నటించి స్వీయ దర్శకత్వంలో తెరకెక్కించిన ఈ సినిమాని మహేష్ బాబు ఎంతగానో ప్రశంసించారు. దీనితో తమిళ ఆడియెన్స్ ఇపుడు సోషల్ మీడియాలో మహేష్ విశాల హృదయానికి ఫిదా అయ్యిపోయారు.
ఇలా జీరో ఈగోతో అది కూడ పక్క ఇండస్ట్రీ నుంచి తమిళ సినిమాని ప్రశంసించడం ఆనందంగా ఉందని, కోలీవుడ్ నుంచే ఎంతోమంది ఉన్నప్పటికీ సినిమా కోసం మాట్లాడలేదు అని మహేష్ విషయంలో తమిళ ఆడియెన్స్ ఆనందం వ్యక్తం చేస్తున్నారు. ఇక ఇదిలా ఉండగా మహేష్ ఇచ్చిన రివ్యూ పై ధనుష్ కూడా ధన్యవాదాలు తెలియజేస్తూ తన టీం అంతా ఎంతో థ్రిల్ అయ్యామని తనకి రిప్లై అందించాడు.