నటీనటులు : కులభూషణ్ ఖర్బందా, పంకజ్ త్రిపాఠి, దివ్యండు శర్మ, రసిక దుగల్
దర్శకులు : కరణ్ అన్షుమాన్, గుర్మీత్ సింగ్
నిర్మాతలు : రితేష్ సిధ్వానీ, ఫర్హాన్ అక్తర్
కెమెరామెన్ : సంజయ్ కపూర్
సంగీత దర్శకుడు : జాన్ స్టీవర్ట్ ఎడురి
మీర్జాపూర్ వెబ్ సిరీస్ రెండు సంవత్సరాల క్రితం విడుదలైనప్పుడు.. విపరీతంగా ఆకట్టుకుంది. ఇతర భాషల్లో కూడా పెద్ద విజయాన్ని సాధించింది. దాంతో వచ్చిన చాలా హైప్ తరువాత, రెండవ సీజన్ తాజాగా ప్రేక్షకుల ముందుకు వచ్చింది. రితేష్ సిధ్వానీ మరియు ఫర్హాన్ అక్తర్ నిర్మించిన ఈ సిరీస్ అమెజాన్ ప్రైమ్ వీడియోలో అందుబాటులో ఉంది. మరి ఈ సిరీస్ సెకండ్ సీజన్ ఎలా ఉందో సమీక్షలో చూద్దాం.
కథ :
మొదటి భాగం ముగింపు దగ్గర నుండి రెండవ సీజన్ మొదలైంది. మున్నా భయ్య (దివియేండు) ఒక వివాహంలో ప్రధాన పాత్రధారులలో ఒకరైన బాబ్లు (విక్రాంత్ మాస్సే) ను చంపి గుడ్డు (అలీ ఫజల్)ను గాయపరిచిన దగ్గర నుండి మొదలైన సెకెండ్ సీజన్ లో మున్నా ఏకైక లక్ష్యం మీర్జాపూర్‌ను ఎలాగైనా పరిపాలించాలనే ఎయిమ్ తో ఉంటాడు. కాని అతని తండ్రి కలీన్ భయయ్య (పంకజ్ త్రిపాఠి) తన సామ్రాజ్యాన్ని ఎవరికీ అంత సులభంగా ఇవ్వడు. ఈ మధ్యలో గుడ్డూ మున్నా పై ప్రతీకారం తీర్చుకోవాలనే కసితో ఉంటాడు. అలాగే మీర్జాపూర్ లోని అగ్రస్థానానికి వెళ్ళే ప్రయాణంలో కొత్తగా శత్రువులను తెచ్చుకుంటాడు. ఏది ఏమైనా మిర్జాపూర్ ను తమ సొంత ప్రయోజనాల కోసం గెలవాలని కోరుకునే మున్నా మరియు గుడ్డూల మధ్య ఎలాంటి డ్రామా అండ్ పోరాటం జరిగింది అనేది మిగిలిన కథ.
ఏం బాగుంది :
మొదటి సీజన్ లో లాగే మంచి ప్రదర్శనలతో నిండి ఉంది రెండవ సీజన్ కూడా. అలాగే కథనంలో అంతే ఆసక్తి కొనసాగుతుంది. అలీ ఫజల్ ఈ సీజన్లో తన వికలాంగ రూపంతో పాటు భయంకరమైన గెటప్ తో మరింత భయంకరంగా ఉన్నాడు. ఇక అతని డైలాగ్ డెలివరీ అయితే అద్భుతమైనది. అతను ఉపయోగించే యాస చాలా బాగుంది. ఇక ఈ సిరీస్‌లో దివియేండు స్టార్‌, ఎందుకంటే అతనే కీలకమైన పాత్రను పోషించాడు. విరామం లేని డాన్ పాత్రను అద్భుత రీతిలో పోషించాడు.
అయితే పంకజ్ త్రిపాఠి పాత్రను చాలా వరకు తగ్గించారు. కానీ అతని విలన్ పాత్రతో పాటు మేకర్స్ అతన్ని స్టైలిష్ పద్ధతిలో చూపించిన విధానం అద్భుతమైనది. ఈ సీజన్‌తో క్లిక్ చేసేవి య్యూపీ స్థానిక రాజకీయాలకు సంబంధించిన సీన్స్ బాగున్నాయి. అలాగే మీర్జాపూర్‌ను పాలించడానికి చాలా మంది అగ్రస్థానంలో నిలిచేందుకు ప్రయత్నిస్తున్న విధానం కూడా చాలా ఆసక్తికరంగా ప్రదర్శించబడింది.
రసిక దుగ్గల్ అద్భుతమైన స్క్రీన్ ఉనికిని కలిగి ఉంది. మరియు ఆమె క్రేజీ పాత్ర ఖచ్చితంగా ఆకట్టుకుంటుంది. శ్వేతా త్రిపాఠి శర్మ కూడా తన కీలక పాత్రలో చక్కగా ఉంది. మిడిల్ ఎపిసోడ్లలో స్క్రీన్ ని చాలా బాగా పట్టుకుంది. కెమెరా వర్క్ బాగుంది. నేరాలతో నిండిన యూపీలో అద్భుతమైన పద్ధతిలో చూపించారు. సినిమాలో బిజియమ్ మనసును కదిలిస్తోంది. సరళమైన సన్నివేశాలు కూడా మంచి బిజియమ్ తో ఎలివేట్ చేయబడతాయి. సంభాషణలకు ప్రత్యేక ప్రస్తావన అవసరం. అంతగా ఆకట్టుకున్నాయి.
ఏం బాగాలేదు :
ఈ సీజన్‌కు చాలా హైప్ ఉంది కానీ.. ఆ హైప్ కి తగ్గ సృజనాత్మకత, అలాగే ఈ సీజన్ లో కొత్తగా కూడా ఏమీ లేదు. మేకర్స్ మొదటి సీజన్లో కథను ఎక్కడ నుండి విడిచిపెట్టారో సెకెండ్ సీజన్ లో అక్కడి నుండి మొదలుపెట్టినా.. ముగింపు గొప్పగా ఏమి లేదు. అలాగే, మొదటి భాగంలో దృఢంంగా కనిపించే రాజకీయ కోణం ఇందులో లేదు.
కొన్ని ఎపిసోడ్లలో చాలా సబ్‌ప్లాట్‌లు మరియు బ్యాక్‌స్టోరీలు ప్రధాన అంశం నుండి తప్పుకుంటాయనే భావన కూడా వస్తుంది. అలాగే, మూడవ సీజన్ కోసం మేకర్స్ కథలో కొంత స్కోప్‌ను వదిలివేయడంతో ఈ సీజన్ కూడా ఓపెన్ నోట్‌లో ముగిసింది. ఈ కారణంగా, ఈ సీజన్ ముగిసిన విధానం కొంతమందికి నచ్చకపోవచ్చు.
తీర్పు :
మొత్తం మీద, మిర్జాపూర్ 2 ఉత్తర ప్రదేశ్ లోని కొన్ని ప్రాంతాలలో జరిగే ఒక బోల్డ్ వెబ్ సిరీస్. మొదటి సీజన్‌తో పోల్చినప్పుడు, సెకెండ్ సీజన్ కథనం మరియు కథాంశం కొంచెం నెమ్మదిగా సాగుతాయి. కానీ నటీనటుల దృఢమైన ప్రదర్శనలు, అలాగే కథలోని అద్భుతమైన ఘర్షణలు మరియు నిర్మాణ విలువలు ఈ సిరీస్‌ను ఆసక్తికరంగా మారుస్తాయి. వీటి కోసమైనా ఈ సిరీస్ ను హ్యాపీగా చూడొచ్చు.
123telugu.com Rating : 3.25/5
Reviewed by 123telugu Team
