విడుదల తేదీ : జూన్ 15, 2023
123తెలుగు.కామ్ రేటింగ్ : 3/5
నటీనటులు: ఎజ్రా మిల్లర్, సాషా కాల్, మైఖేల్ కీటన్, మైఖేల్ షానన్, రాన్ లివింగ్స్టన్, మారిబెల్ వెర్డు, బెన్ అఫ్లెక్ మరియు గాల్ గాడోట్ తదితరులు.
దర్శకుడు : ఆండీ ముషియెట్టి
నిర్మాతలు: బార్బరా ముషియెట్టి మరియు మైఖేల్ డిస్కో
సంగీత దర్శకుడు: బెంజమిన్ వాల్ ఫిష్
సినిమాటోగ్రఫీ:హెన్రీ బ్రహం
ఎడిటర్: జాసన్ బాలంటైన్ మరియు పాల్ మచ్లిస్
సంబంధిత లింక్స్: ట్రైలర్
హాలీవుడ్ లో ఎంతో పేరుగాంచిన డిసి వారి తాజా సూపర్ హీరో సినిమా ది ఫ్లాష్. కాగా ఎజ్రా మిల్లర్ టైటిల్ రోల్‌లో నటించిన ఈ మూవీ నేడు థియేటర్లలో విడుదలైంది. ఇక విడుదలకు ముందే ఆడియన్స్ లో విపరీతమైన హైప్ క్రియేట్ చేసింది ఈ మూవీ. మరి ఈ మూవీ హైప్‌కు అనుగుణంగా ఏ స్థాయిలో తెరకెక్కిందో తెలుసుకోవడానికి ఇప్పుడు సమీక్షను చూద్దాం.
కథ :
బారీ అలెన్ అకా ది ఫ్లాష్ (ఎజ్రా మిల్లర్), బ్రూస్ వేన్ అకా బాట్‌మాన్ (బెన్ అఫ్లెక్) క్లైసి డయానా ప్రిన్స్ అకా వండర్ వుమన్ (గాల్ గాడోట్) సహాయంతో ఒక భారీ బ్యాంకు దోపిడీని ఆపుతారు. ఆ తర్వాత తన భార్య నోరా అలెన్ (మారిబెల్ వెర్డూ) ని హత్య చేసినందుకు దోషిగా నిర్ధారించబడిన తన తండ్రి హెన్రీ అలెన్ (రాన్ లివింగ్స్టన్) ని రక్షించాలని అనుకుంటాడు బారీ. అనంతరం గతంలోకి ప్రయాణించడం ద్వారా తన తల్లిని రక్షించగలనని నమ్ముతాడు మరియు గతంలోకి వెళ్తాడు. మరి ఆ తర్వాత ఏమి జరుగుతుంది, అతను తన తల్లి మరణాన్ని అడ్డుకుంటాడా, అతను తన యంగర్ వెర్షన్‌ను కలుస్తాడా, అతను వర్తమానానికి తిరిగి వచ్చి తన తండ్రిని కాపాడుకుంటాడా లేదా, అసలు కారా జోర్ ఎల్ అకా సూపర్గర్ల్ (సాషా కాల్లె) ఎవరు వంటి వాటన్నిటికీ సమాధానాలు కావాలంటే మాత్రం ది ఫ్లాష్ మూవీ చూడాల్సిందే.
ప్లస్ పాయింట్స్ :
ది ఫ్లాష్ డిసి ఎక్స్‌టెండెడ్ యూనివర్స్ (డీసీఈయు) లో 13వ మూవీగా తెరకెక్కి చక్కటి కథను కలిగి ఉంది మరియు సిల్వర్ స్క్రీన్ పై అభిమానులు ఇష్టపడే అనేక ఆకట్టుకునే అంశాలు ఇందులో ఉన్నాయి. ఎజ్రా మిల్లర్ తన యంగర్ వెర్షన్‌గా విభిన్నమైన లుక్‌తో అభిమానులను ఆశ్చర్యపరుస్తూ మరోసారి అలరించే నటనని ప్రదర్శించారు. సూపర్‌హీరో బారీ మరియు పవర్ లెస్ బారీల మధ్య హాస్య సంభాషణలు ఆకట్టుకున్నాయి. సినిమా కూడా నాస్టాల్జిక్ మూమెంట్స్‌తో నిండి ఉంటుంది. ఈ సినిమా కోసం మైఖేల్ కీటన్ 31 ఏళ్ల తర్వాత బ్యాట్‌మ్యాన్ కేప్ ధరించడం విశేషం. అతని క్యారెక్టర్ ఆర్క్ బాగా చేసారు మరియు ఫ్యూచర్ ఫ్లాష్‌తో అతని సంభాషణలు చాలా బాగున్నాయి. పాత్రల మధ్య ఎమోషనల్ కనెక్షన్ బాగా పని చేస్తుంది. సాషా కాల్లే తన శక్తివంతమైన సూపర్గర్ల్ పాత్రతో అందరినీ ఆశ్చర్యపరిచింది. ఆమెకు తక్కువ స్క్రీన్ టైం ఉన్నప్పటికీ, తన నటనతో ఆడియన్స్ ని అలరించింది. ఇక వండర్ వుమన్ యొక్క స్పెషల్ రోల్ ఒకింత థ్రిల్లింగ్ గా అనిపిస్తుంది. మారిబెల్ వెర్డూ నోరా అలెన్‌గా తన పాత్రలో తన ఉత్తమ నటనని కనబరిచారు. హాస్పిటల్‌లో ఉన్న పిల్లలను రక్షించడంలో ఫ్లాష్ చేసిన వీరోచిత సన్నివేశం సినిమా హైలైట్‌లలో ఒకటి. ఫ్లాష్ సీన్స్ వచ్చిప్పుడు స్లో మోషన్ తో అవి ఎంతో అద్బుతముగా ఉన్నాయి. ఓవరాల్ గా విజువల్స్ శక్తివంతంగా ఆకట్టుకునేలా ఉన్నాయి.
మైనస్ పాయింట్స్ :
ముఖ్యంగా ది ఫ్లాష్ మూవీ పెద్దగా మలుపులు లేని ఒక సాధారణ కథతో సాగే సినిమా. బ్యాట్‌మ్యాన్ మరియు సూపర్‌గర్ల్‌తో మరొక టైమ్‌లైన్‌లో బారీ అలెన్ పరస్పర ఇంటరాక్షన్ సీన్ సినిమా మొత్తంలో అత్యంత ఆశ్చర్యకరమైన భాగం అని చెప్పాలి. టైమ్ ట్రావెల్ కాన్సెప్ట్ తో వచ్చే సూపర్ హీరో సినిమాల అభిమానులకు కొత్తేమీ కాదు, కానీ తన తల్లి మరణాన్ని నిరోధించడానికి బారీ అలెన్ చేసిన భావోద్వేగ ప్రయాణం ది ఫ్లాష్ లో ఎంతో అలరించేలా ఉంటుంది. సెకండాఫ్‌లో కథనం మరింత ఆకర్షణీయంగా ఉంటే బాగుండేదనిపిస్తుంది. ముఖ్యంగా కథనంలో విలన్ జనరల్ జోడ్ మరియు సూపర్‌గర్ల్‌లతో కూడిన సన్నివేశాలు మరింత శక్తివంతంగా ఉండి ఉంటె బాగుండేది. ఇక సెకండ్ హాఫ్ లో ఫ్లాష్, సూపర్గర్ల్, బాట్‌మాన్ మరియు జనరల్ జోడ్ మధ్య సరైన యాక్షన్ సీన్స్ లేవు. ఇక ఫైటింగ్ సీన్ మొత్తం అండర్‌వెల్‌గా అనిపిస్తుంది. బారీ అలెన్ యొక్క ప్రస్తుత మరియు గత కాలాల మధ్య బలమైన భావోద్వేగ సన్నివేశాలు జోడించడంలో దర్శకుడు తడబడ్డాడు. అలా చేసి ఉంటె అది సినిమా యొక్క బలాన్ని గణనీయంగా పెంచి ఉండేది. అదనంగా, సూపర్గర్ల్ యొక్క శక్తిని స్థాపించే మరికొన్ని సన్నివేశాలు సినిమాను మరింత ఆనందదాయకంగా మార్చాయి. అలానే జనరల్ జోడ్ పాత్ర కోసం కూడా అదే చేసి ఉండవచ్చు. అన్ని ఘటనల తర్వాత, ఆకట్టుకునే క్లైమాక్స్‌ని ఆడియన్స్ ఆశిస్తారు, అయితే ఉత్సాహం లేని సాధారణ క్లైమాక్స్ ది ఫ్లాష్ లో నిరుత్సాహపరిచే అంశం. సీక్వెల్‌లో మరింత మంచి క్లైమాక్స్ వ్రాసుకుని ఉంటె బాగుండేది.
సాంకేతిక వర్గం :
మొదటి సారి దర్శకుడు ఆండీ ముషియెట్టి ఒక సూపర్ హీరో సినిమాకి హెల్మ్ చేశాడు మరియు అతను పర్వాలేదనిపంచేలా పని చేశాడు. అయితే, రచయితలు, జాన్ ఫ్రాన్సిస్ డేలీ, జోనాథన్ గోల్డ్‌స్టెయిన్ మరియు జోబీ హెరాల్డ్‌లు మరింత ఆసక్తికరమైన సన్నివేశాలతో సినిమాను నింపగలిగారు. క్రిస్టినా హాడ్సన్ స్క్రీన్ ప్లే బాగుంది. విజువల్స్ అద్భుతంగా ఉన్నాయి, సినిమాటోగ్రాఫర్ హెన్రీ బ్రహం మరియు విఎఫ్ఎక్స్ విభాగం వారు ఎంతో కష్టపడ్డారు. బెంజమిన్ వాల్‌ఫిష్ సంగీతం బాగానే ఉంది, అయితే ఇది మరింత మెరుగ్గా ఉండవచ్చు, ముఖ్యంగా సినిమా యొక్క హై మూమెంట్స్‌లో సెకండాఫ్‌లో మరింత పటిష్టమైన ఎడిటింగ్ చేసి ఉంటె సినిమాకి బాగా హెల్ప్ అయ్యేది.
తీర్పు :
మొత్తంగా ది ఫ్లాష్ ఆకట్టుకునే భావోద్వేగ సన్నివేశాలతో కూడిన పర్వాలేదనిపంచే యాక్షన్ డ్రామా మూవీ అని చెప్పాలి. మైఖేల్ కీటన్ పాత్రలో ఎజ్రా మిల్లర్ అలరించే నటన కనబరిచారు. అయినప్పటికీ, సూపర్గర్ల్ మరియు జనరల్ జోడ్‌ల పాత్రలని మరింత మెరుగ్గా రాసుకుంటే ఇంకా బాగుండేది. అలానే కొన్ని అనవసరమైన సన్నివేశాలు మరియు సాధారణ క్లైమాక్స్ ఉన్నప్పటికీ, ఈ సూపర్ హీరో సినిమా ఈ వారాంతంలో ఫ్యామిలీతో సరదాగా చూసేయొచ్చు.
123telugu.com Rating: 3/5
Reviewed by 123telugu Team