విడుదల తేదీ : జూన్ 17, 2022
123తెలుగు.కామ్ రేటింగ్ : 3/5
నటీనటులు: శ్రీరామ్, శివ బాలాజీ, ధన్య బాలకృష్ణ, ఆడుకలం నరేన్, రాజశ్రీ నాయర్, తోటపల్లి మధు, జీవా, ఈస్టర్ నోరోన్హా, సమ్మెట గాంధీ, శరణ్య ప్రదీప్.
దర్శకత్వం : పోలూరు కృష్ణ
నిర్మాతలు: శ్రీరామ్ పోలిశెట్టి
సంగీత దర్శకుడు: శ్రీరామ్ మద్దూరి
సినిమాటోగ్రఫీ: రామ్ కె మహేశ్
ఎడిటర్: కుమార్ పి అనిల్
ఈ మధ్యే “గాలివాన”తో మంచి హిట్ సాధించిన తర్వాత జీ5 సంస్థ రెక్కీ అనే మరో కొత్త తెలుగు వెబ్ సిరీస్‌ను విడుదల చేసింది. అది ఎలా ఉందో సమీక్షలోకి వెళ్లి తెలుసుకుందాం రండి.
కథ:
తాడిపత్రి మున్సిపల్ చైర్మెన్ వరద రాజులు (ఆడుకాలం నరేన్) హత్య చుట్టూ ఈ కథ సాగుతుంది. వరద రాజులుతో రాజకీయ వైరం ఉన్న మాజీ మున్సిపల్ చైర్మెన్ రంగనాయకులు (రామరాజు) తన అనుచరుడైన కాళాయప్పకు (తోటపల్లి మధు) వరద రాజులును హతమార్చే పని అప్పగిస్తాడు. మరీ వరదరాజును ఎలా ప్లాన్ చేసి హతమార్చారు? వరద రాజులు హత్య అతడి కొడుకు చలపతి (శివ బాలాజీ) జీవితంపై ఎలాంటి ప్రభావాన్ని చూపింది? ఈ హత్య కేసును చేధించడానికి వచ్చిన పోలీస్ ఆఫీసర్ లెనిన్ (శ్రీరామ్) ఎలాంటి నిజాలు తెలుసుకున్నాడు? అసలు ఈ హత్యకు గల కారణం ఏమిటి? వంటి సమాధానాలు తెలుసుకోవాలంటే మీరు జీ5లో ఈ సిరీస్‌ని చూడాల్సిందే.
ప్లస్ పాయింట్స్:
క్రైమ్ థ్రిల్లర్‌లను దర్శకుడు చక్కగా వివరించాడు. ముఖ్యంగా అతడు ఎంచుకున్న కథ బాగుంది. దర్శకుడు కథను చాలా చక్కాగా డీల్ చేసాడు. స్క్రీన్ ప్లే కూడా బాగుంది. అతను సిరీస్‌ను నడిపించే విధానం చాలా ఆసక్తికరంగా ఉంది. ఊహించని ట్విస్ట్‌లు చాలా బాగున్నాయి.
నటీ నటుల ప్రదర్శనల విషయానికొస్తే సమ్మెట గాంధీ మంచి మార్కులు సాధించాడు మరియు పరదేశిగా సూక్ష్మమైన నటనను అందించాడు. నేరం వెనుక ఉన్న నేరస్థులను పట్టుకోవడంలో ఉత్సాహం చూపే కొత్త ఎస్‌ఐగా శ్రీరామ్ తన బెస్ట్‌ను అందించాడు. ఆడుకలం నరేన్, రాజశ్రీ నాయర్, తోటపల్లి మధు, ఎస్టర్ నొరోన్హా తమ పాత్రలకు న్యాయం చేశారు.
మైనస్ పాయింట్స్:
రెక్కీ సినిమా ఆసక్తికరమైన కథ మరియు గ్రిప్పింగ్ స్క్రీన్‌ప్లేను కలిగి ఉన్నప్పటికీ పేలవమైన కాస్టింగ్ కారణంగా ఇది పెద్దగా ఆకర్షించలేకపోయింది. ఈ క్ర‌మంలో కీలక పాత్ర‌లైన శివ బాలాజీ పాత్రను మంచి ప‌ద్ధ‌తిలో డిజైన్ చేసి ఉంటే బాగుండేది. తన నటనతో తన పాత్రను సరిగ్గా చూపడంలో విఫలమయ్యాడు. దానికి తోడు ధన్య బాలకృష్ణ పాత్రకు కూడా పెద్దగా ప్రాధాన్యత లేదు.
మొత్తం ఏడు ఎపిసోడ్ సిరీస్‌ను సులభంగా 5 ఎపిసోడ్‌లకు పరిమితం చేసి ఉండవచ్చు. సిరీస్‌ని మరో 2 ఎపిసోడ్‌ల వరకు పొడిగించాలని దర్శకుడు ఉద్దేశ్యపూర్వకంగా కథను లాగినట్లు తెలుస్తోంది. గత రెండు ఎపిసోడ్‌లు చాలా లాగ్‌ని కలిగి ఉన్నాయి, దీని వలన ప్రేక్షకులు కాస్త బోర్‌గా ఫీల్ అయ్యారు.
సాంకేతిక విభాగం:
దర్శకుడు పోలూరు కృష్ణ తన అద్భుతమైన కథను చక్కటి నైపుణ్యంతో ఒక ఆసక్తికరమైన క్రైమ్ థ్రిల్లర్ సిరీస్‌గా రూపొందించాడు. సిరీస్‌ని ఆస్వాదించేలా చేసే కీలక అంశం స్క్రీన్‌ప్లే. శ్రీరామ్ మద్దూరి అందించిన నేపథ్య సంగీతం అత్యద్భుతంగా ఉంది. అతను తన స్కోర్‌తో చాలా సన్నివేశాలను ఎలివేట్ చేశాడు. రామ్ కె మహేష్ సినిమాటోగ్రఫీ కూడా బాగుంది. కుమార్ పి అనిల్ ఎడిటింగ్ బాగానే ఉంది మరియు చివరి 2 ఎపిసోడ్స్‌లో కొన్ని సన్నివేశాలను ట్రిమ్ చేసి సిరీస్‌ని మెరుగ్గా మార్చగలిగితే బాగుండేది.
తీర్పు:
మొత్తంగా చూసుకున్నటైతే ఈ సినిమాలోని ప్రతీ ఒక్కరి నటన మరియు అద్భుతమైన బ్యాక్‌గ్రౌండ్ స్కోర్‌తో రెక్సే అత్యుత్తమ పొలిటికల్ క్రైమ్ థ్రిల్లర్‌లలో ఒకటిగా నిలిచింది. చివరి రెండు ఎపిసోడ్‌లలో కొన్ని లాగీ సన్నివేశాలను విస్మరిస్తే ఈ సిరీస్ అందరికీ నచ్చే ఛాన్స్ ఉంటుంది.
123telugu.com Rating: 3/5
Reviewed by 123telugu Team
